🍁मनातल्या मनातले 🍁

नव  संवत्सर  🙏🏻🙏🏻 5Apr2019 चैत्र शुद्ध प्रतिपदा नवीन वर्षाचा पहिला दिवस. इंग्रजी महिन्याप्रमाणे व्यवहार करतांना गुढीपाडव्याचा विसर तर नाही नं पडला ?    विक्रम संवत् ही खगोल शास्त्रीय सिद्धांतावार आधारित कालगणनेची पद्धती. आपल्या संस्कृतीत चैत्र शुद्ध प्रतिपदेचे महत्व वेगवेगळ्या प्रकारे स्पष्ट होते.    ब्रम्हदेवाने याच दिवशी सृष्टीच्या रचनेला प्रारंभ केला  आणि सत्ययुगाची सुरुवात झाली.    शालिवाहनाने मातीच्या पुतळ्यांमधे प्राण  फुंकून युद्ध जिंकले. म्हणून या कालगणनेला शालिवाहन शक म्हटले जाते.    आजकालची पिढी तर  अशा कथांना थाराही देणार नाही. या कथांचा शब्दशः अर्थ न घेता या कडे  जरा निराळ्या दृष्टीने बघायला काय हरकत आहे? कदाचित त्यावेळी समाजात  वारंवार होणा-या  आक्रमणांनी आणि पराभवाने उदासीनता , हताशा , निर्बलता आली असावी. असा मृतवत् झालेला समाज म्हणजे मृत्तिकावत् समजला गेला. त्यात शालिवाहनाने स्फूर्ती आणली, चैतन्य निर्माण केले आणि परिणामी युद्ध  जिंकले असावे. नवीन पिढीला अशा त-हेने आपल्या संस्...